قبل أيام كنت اقلب التلفزيون لين استقريت على قناة الوطن فشفت برنامج تو الليل للمقدمين محمد المنصور (ما ادري ليش صاير خفيف) و نادية صقر ..

وكانوا مقابلين النائب المحترم أحمد الشحومي .

.

بس استغربت انهم خذوا وقت كبير معاه .. عكس المقابلات الثانية مثل جاسم الخرافي اللي قعدوا وياه شويه ..لا و بعد حطوله تقرير في دوانيته ..

المهم قعدت اطالع المقابلة فاستغربت من اسلوب النائب بالمقابلة .. انا عبالي بس بالجلسة يتكلم خذي .. طلع 24 ساعة يتكلم جذي ..

قاعد يتكلم بطريقة استهزائية ويقول " انتوا عبالكم المشكلة بسمو رئيس الوزراء المشكلة بالوزراء هذولا " ويقول لو انا ما احطه رئيس قسم وما ادري شنو ..

من حقه انه يبدي رايه ويقول اللي يبي وينتقد بس بطريقة حلوة وحضارية مو جذي ..

واللي استغربت منه ان لما حطوا التقرير اللي بدوانيته قاعد يصرخ و بعدين يتكلم باسلوب هادي وفجأة يصرخ حتى الصرخة ما تكون ماشية مع الكلام اللي يقوله .. ويقول بالدوانية انا كويتي قبل لا تنولدون وحضري قبل لا تنولدون وبدوي قبل لا تنولدون وسني قبل لا تنولدون وشيعي قبل لا تنولدون وانا ما شاركت بالندوات مع النواب لما فيها من نفس طائفي وقبلي من كلا الطرفين ..

ولما يابو طاري استجواب الوزيرة نورية الصبيح قاعد يشرح موقفه فكان اعتراضه على المدارس الخاصة في سلوى اللي يقول ان عددهم 11 مدرسة و ان هالمدارس عندهم مواقع ثانية معطيتهم اياها الحكومة بس مأجرينها و قاعدين بسلوى ومسببين زحمة مرورية ..

لي الحيين كلامه منطقي ..

بس يقول النائب المحترم ان عقودهم اللي بسلوى راح تنتهي بعد جم شهر و خنشوف اذا الوزيرة بتجدد لهم ولا لأ ..

طيب اذا كان كلامك صحيح و انك بتشوف نورية شستسوي عيل ليش طارح الثقة فيها ؟؟؟

هل لأن المستجوب من نفس قبيلتك ؟؟ او لأسباب ثانية ما ندري عنها ؟؟